المنتدى العام
عزيزي الزائر /عزيزتى الزائره يشرفنا إنضمامك لأسرة المنتدي بالضغط علي كلمة التسجيل وإن كنت عضوا في المنتدي فبادر بالضغط علي كلمة دخول وأكتب أسمك وكلمة السر فنحن في إنتظارك لتنضم إليناDear Guest ,We welcome to you with us & We hope That you will be a Member in our Forum


افــلاـــم عــــربى واجنـــبى وبـــــرامج
 
الرئيسيةالصفحه الرئيسيهمكتبة الصورس .و .جالتسجيلدخول

شاطر | 
 

 احسن قصة حب

اذهب الى الأسفل 
كاتب الموضوعرسالة
برنس

avatar

عدد المساهمات : 132
تاريخ التسجيل : 22/04/2010
الموقع : as7ap.talk4her.com

مُساهمةموضوع: احسن قصة حب   السبت أبريل 24, 2010 3:23 am

عارفين ايه هى أحلى قصة حب ؟
مش قصة قيس وليلى ولا روميو و جولييت ولا عنتر و عبلة ولا علاء و منال
عارفين أحلى قصة حب هى قصة مين ؟
أحلى قصة حب هى قصة آدم وحواء ….. قصة الإنسان اللى شاف الجنة بعينه و عاش فيها و شرب من ميتها و شاف سماها و جوها وأكل من فاكهتها و مع ذلك مكانش مبسوط
مكانش مبسوط عشان كان وحيد مفيش حد يخاف عليه و يفكر فيه و يبقى عارف أنه برضه بيخاف عليه و بيحبه
و برضه يتخانق معاه و يزعل منه و بعدين يصالحه
مظنش كان حيبقى مبسوط لو الحد ده كان راجل تانى زيه
…. متفهمونيش غلط بس قصدى أن لو أن كان معاه واحد صاحبه … هل كانوا حيبقوا سعدا ؟ و هما بيتناقشوا فى الموقف السياسى لحزب المعارضة الشيطانى ؟؟؟ ولا نتيجة ماتشات الجن و الملايكة و دورى وأخبار تدريبات فريق الشياطين الحمر ؟ و لا و هما بيتكلموا عن جمال الجنة وحلاوتها و الفن اللى فيها ؟؟ ولا و هما قاعدين بيلعبوا طاولة فى القصر بتاعهم ؟؟؟ … و طبعا طاولة دهب و ألماظ مش أى حاجة
أظن ان آدم بالرغم من كل الجمال و السرور و الهدوء اللى كان فيه كان ناقصه حاجة ….. يمكن هو نفسه مكنش عارف هى ايه ؟؟؟؟؟؟
مكنش ناقصه الأكل ولا الشرب ولا الراحة ……… و متقوليش الجنس لأنه مكانش لسة عرفه …… هو كان ناقصه الحب …… المشاركة ….. الألفة
ربنا بس هو اللى ملوش شريك عشان هو بس اللى كامل
كل كائن حى مينفعش يعيش لوحده لازم يبقى معاه حد زيه بس مختلف عنه ….. زيه عشان يحبه و مختلف عنه عشان يكملوا بعض
ده حتى مش بس الكائنات الحية ….. عمرك شفت مغناطيس بقطب واحد أو سلك كهربا موجب من غير سالب ؟؟؟؟؟؟؟ )
نرجع لقصتنا …. آدم و حوا
الجهلة المتعصبين الموجودين ف كل الأديان و المجتمعات بيقولوا ان حوا هى اللى خرجت آدم من الجنة ….. مع ان آدم نفسه مكانش حاسس بالجنة دى أصلا من غير حوا
و بعيدا عن المناقشة التاريخية بين اللى يقول ان حوا هى السبب ان آدم خرج من الجنة أو لأ ….. هو مش آدم وافق انه ياكل من الشجرة اللى ربنا قاله انها حرام ( فيه ناس بيقولوا دلوقت ان الشجرة دى هى شجرة المعرفة ) ؟؟
بعدين اللى بيقول ان حوا هى السبب ان آدم خرج من الجنة قصده يعنى ان عدالة ربنا ناقصة ؟؟؟ … يعنى ربنا عاقب آدم بذنب غيره ؟؟؟؟؟؟
المهم ……. مش حقعد أقول الحب أجمل حاجة و الكلام ده كله ….. لأن اللى محسش بكدة لوحده مش ممكن يحس من كلامى …….. لأن دى نعمة ميحسش بيها غير اللى جاتله عكس مثلا الصحة ميحسش بيها غير اللى راحت منه
ما علينا … ما علينا
حروح أذاكر بقى ………. سلام
أضف الى مفضلتك
الرجوع الى أعلى الصفحة اذهب الى الأسفل
 
احسن قصة حب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى العام :: القصص و الروايات-
انتقل الى: